ஜோதிடரை பற்றி

ஜோதிடர் K.தாமரைக் கண்ணன் அவர்கள், சென்னையை பூர்வீகமாக கொண்டு சென்னையை அடுத்த அம்பத்தூர் என்ற இடத்தில் பாரம்பரிய மிக்க விஸ்வகர்மா குடும்பத்தில் பிறந்தவர். சிறுவயது முதலே இயற்கை மருத்துவத்தால் ஈர்க்கபட்டமையால் அதை சார்ந்த மருத்துவ கல்வியாகிய அக்குபஞ்சர் (ACUPUNCTURE, ACUPRESSURE, SUJOK, REFLEXOLOGY, AURICULAR THERAPY), CLASSICAL ACUPUNCTURE (SINGLE NEEDLE THERAPY) மற்றும் ரெய்க்கி (REIKKI) ஆகியவற்றை முறையாக பயின்று தேர்ச்சி பெற்று அதையே தொழில் முறை (Professional) மருத்துவராக கடந்த 9 வருடமாக சென்னையில் CLINIC வைத்து மருத்துவ பணி ஆற்றுகிறார்.
பொதுவாகவே, இயற்கை சார்ந்த முறைகளில் மற்றும் அதன் பயன்களில் கொண்ட பற்று மிகுதியால் ஜோதிட சாஸ்திரத்தின் மகிமையால் பெரிதும் ஈர்க்கப்பட்டார். அதன் பொருட்டு ஆரம்ப காலங்களில் பாரம்பரிய முறையிலான ஜோதிடத்தை முறையாக பயின்றார். இருப்பினும் பாரம்பரிய முறையில் பலன் கூறுவதில் சில சிரமங்கள் அனுபவ பூர்வமாக உணர்ந்திருந்த வேளையில் தெய்வ அனுகிரகத்தால் உயர் கணித சார ஜோதிட முறையை (Advanced KP Stellar Astrology) வளர்த்து வரும் ஜோதிட நல்லாசிரியர் உயர்திரு. A.தேவராஜ் ஐயா அவர்களின் அறிமுகம் ஏற்பட்டு, பிறகு அவரிடம் ஒரு மாணவராக சேர்ந்து “உயர் கணித சார ஜோதிட” முறையையும், அதன் யுக்தியையும் நன்கு கற்று “ஜோதிஷ ஆதித்யா” என்னும் பட்டத்தை பெற்றார்.
அடிப்படையில், இயற்கை மருத்துவராகையால், உயர் கணித சார ஜோதிடத்தில் உள்ள நுணுக்கங்களையும் அதன் கோட்பாடுகளையும் தொகுத்து, மருத்துவ ஜோதிடமுறையோடு ஒப்பிட்டு பலன் கூறி வருகிறார். மருத்துவ ஜோதிடத்தை பற்றிய மேலும் விளக்கமான தகவல்களை தனி கட்டுரையில் விளக்கியுள்ளார். ஜோதிடத்தில் ஆழ்ந்த அறிவும், நுணுகங்களையும் அறிந்த“ஜோதிஷ ஆதித்யா” திரு. K.தாமரைக் கண்ணன் அவர்கள் ஜோதிடத்தின் ரீதியில் பலருக்கு நன்மைகள் செய்து வருவது குறிப்பிடதக்கது,